Heieiei en mega Hagelsturm :-((((

 Also das isch ganz en komische Tag gsi heieiei, am Morge hämmer gmeint es chunnt go regne und dänn isch es wunderschön worde. Mir händ d Sunne gnosse und Eusi Gäscht sind go bade wie verruckt. Au d Matrose sind in See gstoche. Plötzlich isch dänn d Sturmwarnig dusse gsi und e halb Stund spöter hät's ghaglet, dunneret und blitzt wie verruckt!!!!

 Mir händ Eus i de Chuchi versteckt und die Hagelchörner sind gross gsi wie Eier brrrrrrrrrrrrrrrrrrr

 Ojemineeeeeeeeeee das git extrem viel ufzrume, die ganz Wiese isch volle Laub und Hagelchörner

 Euse Baum am Igang hät's nöd überlebt :-( Er isch grad uf Euse Pavillon abegheit und dur de Zaun uf em Fischer sis Auto...neiiiiiiiiiiiii es gseht gfürchig us...............HILFEEEEEE :-)

Endlich emal en schöne Mittwuch

Endlich emal en schöne Mittwuch und mir händ viel Bsuech übercho. Als Überraschig sind dänn s Mami und de Papi mit em Heinz, de Evelyne, de Jaqueline und de Lisa und de 5 herzige Chind agreist und d Ladie's sind sogar mit de Chind is Wasser ghüpft :-))))

 Eusi Sunneblueme sind im Moment 2 farbig und strahlet so richtig vor sich ane :-)

Am Abig hät's e wunderschöni Stimmig geh mit rosarote Wolke.......

Swiss Tachos Stealband und de Gospel Chor

 Wow was für en wunderschöne Abig, d Swiss Tachos Stealband hät bi Eus probet und es isch e Stimmig ufcho wie i de Karibik...sogar über de Seeweg sind Lüt cho wo d Tachos spiele ghört händ :-)

Au am Küde und sinere Familie hät's super gfalle und sie händ im Takt mitgwippet.....

 Irgendwenn isch dänn au de Gospelchor itroffe und hät sich bi de Lounge versammlet...

Ganz spontan händ' s dänn grad afange singe und so d Stealband begleitet:-)

De Gospelchor und mir alli händ dänn bis am 12i z Nacht mitenand gsunge juhuuuu

flügendi Penne :-)

Mir händ wieder emal Schwanebsuech gha, allerdings isch das nur en churze Flügelreinigungs- Stop gsi :-)

Schöni T- Shirt vom Zivielschutz, mit em Freiebacher Wappe druf juhuuuuu

Am Abig han i d Penne dur d Chuchi flüge lah und zwar grad richtig...heieiei das hät usgseh wie uf em Schlachtfeld :-)

Peter und Paul Wallfahrt und Swiss Tachos Stealband am DI :-)))

Wow hüt am Morge sind Kibag Schiff gfahre und händ viiieeellll Passagier zu de Ufenau und wieder zrugg transportiert. Es isch Peter und Paul Wallfahrt Tag gsi :-)

Die Schiff händ super usgseh und Gross und Chli begeischteret :-)

 Alli Eusi Gäscht händ gstunt und sind mit eme neue spannende Erlebnis ab go Pommes- Frites bstelle hihihi

Nummere 101, 120, 790, 936 abhole bittteeeeeeee



Am DI Abig spielt d Swiss Tachos Steal Band bi Eus i de Badi und mir freuet Eus scho riesig uf die Musiker :-)))))

d Ruederer sind da juhuuuuuu

 Am Samstig Morge sind d Ruederer verbicho und mir händ Ihne es schöns Plätzli paratgmacht zum erhole :-)

 Bimene feine Kafi, heisse Schoggi und feinem selber gmachte Chueche vo de Carolina händ die tapfere Sportler chönne usruebe....

 Und scho bald isch es wieder los gange, eis, zwei, drüüüüüüüüüüüüü

 Mmmmhhh am Mittag hät s feini Sache geh, schleck...Crevettespiess mit frischem Salat mmmmhhhh

 Und well's plötzlich heiss worde isch, hämmer d Wy- Gläser grad mit em Chüeler serviert hihihi

i de Obersee Nachrichte :-)