d Vorbereitige für d Erföffnigsparty sind im Gang :-)

 Wow jetzt gseht Eusi Chuchi so richtig proffessionel us, mir händ na es Chüelelement übercho, wo mir alli feine Sache chönd versorge mmmmhhhhh

 De René hät Eus na zur Eröffnig en wunderschöne Bluemestruss verbibracht, mir händ riesig de Plausch gha....

 Plötzlich häts uf em See Welle geh und juhuuuuuu Euses 2. Floss isch acho :-)

 Damit mir händ chönne d Zelt ufstelle, hämmer alli Tisch i d Wiese gstellt und scho mal de Platz parat gmacht...

 Am Abig händ dänn de Üse und de Beat Eus ghulfe die grosse Zelt ufzstelle und mir händ dänn na d Feschtbänk und d Wärmepilz wo de Urs glieferet hät parat gmacht.....

Ostermäntig und Wetter wie im Summer :-)

mmhhh s Käthi hät en mmmhhh feine Rüeblichueche mitbracht wo ziemlich schnell verschwunde isch :-)

De Ostermäntig hät mit dem super Wetter viel Gäst id Badi glockt und alli händ's so richtig chönne gnüsse....

Au Euse Bluemeboge liebt das super Wetter und wachst wie verruckt..

Ostersunntig mit eme feine Brunch mmmhhhhh

 mmmhhhh es hät en wunderbare Brunch geh und de Papi hät viel feini Gutis mitbracht.... die ganz Familie hät mitgässe und alli händ das schöne Wetter gnosse :-)

 Am Mittag isch es wieder so richtig schön warm worde und d Jungmannschaft hät welle ab in See, brrrrrrrrrr

 Zum ufwärme händ's dänn Bremer Stadtmusikante gspielt hihihi..............

 oder sind eifach nur na irgendwo, irgendwi, irgendwenn....ipfuset :-)

Karfritig und super sunnigs Wetter juhuuuuuuuuuu

z ersch isch de Ligestuehl na ganz allei i de Wiese gstande und dänn isch es losgange und d Fischchnusperli sind de absoluti renner gsi :-)

 Es isch ca 25°C worde und d Edith isch tapfer is 13°C chalte Wasser ghüpft :-)

Eusi Gäscht sind vo überall cho, sogar mit de Boot und alli händ de Plausch gha, dass wieder offe isch....

Künstlerin Manu in Action :-)

Guet isch de Bode scho warm, Eusi Künstlerin hät sich nämlich grad dragmacht d Tafle z beschrifte und die isch wie immer en Hit worde :-)

d Temparature stieget und die neue Yogadate sind dusse :-)

Wow fascht 24°C isch es gsi und das im April juhuuuu das häts scho viel Sunnecreme brucht....

Eusi Badifee :-)

Ab sofort chammer sich wieder für d Yogastunde bim Joshua und de Carolina amelde....

Herzlich Willkomme i de Badi Freiebach :-)

Schön aber nachli frisch brrrrrrr

Es isch wieder en wunderschöne Tag gsi nur nöd ganz so warm wie's letscht Wuchenend, aber defür häts scho viel Boot uf em See gha

 Die chli Prinzessin hämmer sogar na ine Decki gwicklet damit de Wind sie nöd verwütscht :-)

 Wow es isch Mitti April und mir chönd dusse sitze, feini Sache ässe und trinke und d Sunne gnüsse :-)

Mir händ scho grilliert, fritiert und de neui Bachofe usprobiert :-)

 Mit dene fliessige Helferli, häts dänn au scho die erschte feine Gummibärlisäckli geh und d Edith hät grad na e Schlange im Spritz versenkt hihihi

De Hockeyclub isch mit ganz viel Holz verbicho, die händ nämlich es super spannends Spiel debi gha wo Kubb heisst.....

Dänn hämmer plötzlich e Zitreis gmacht und sind zrug it 60ger Jahr

Mir sind bis am Abig dusse gsesse und händ das super Wetter so richtig gnosse

Ab sofort isch au Eusi Delikatessewand beschriftet und mir händ usser em Salatbuffet alles parat juhuu

Schnee und Glace i de Badi :-)

Mir händ wieder Glace poschtet wie die Verruckte mmmhhhhh

Euse Lieferant isch grad is Schwitze cho :-)

Und dänn hämmer de Schnee uspackt und id Friteuse gstopft

jetzt gits au wieder mmmhhh feini Pommes

s alte Gschichtli mit em Kärcher tztztztztz

Also de Flossputzkärcher isch würkli e spezielli Maschine, abracht hämmer de, aber dänn stellt er sofort wieder ab...de isch sicher na im Winterschlaf:-)

Ja nu, dänn hät halt de gueti Strubber müesse dra glaube und jetzt gseht's au bi de Duschene wie neu us :-)

3 Chueche Tag :-)

d Martina isch mit de 2 Biber verbicho und die händ grad welle go schwümme :-)

un es isch wieder wunderschöns Wetter gsi...Eusi Gäscht händ riesig de Plausch gha das mir scho so Halb-Offe händ und mir händ 3 Chueche brucht mmhhhhhhhh

9. April 2011 und fascht 25°C heieieiei :-))))

Es isch en wunderschöne Tag gsi mit viiieeellll Sunne und d Lüt sind an See cho go Federball spiele, sünnele und sogar go schwümme und das bi 13°C brrrrrrrrrrrrrrrrrrrr