Endlich wieder schöns Wetter und super Fuesspfleg mit de Corinne :-)

Wow mir händ müesse stune, andlich en schöne Sunntig :-) Mir händ sogar dörfe choche und als Oberbonus isch na Corinne cho und hät Eusi Gäscht mit ere wunderbare Fuesspfleg verwöhnt :-)

  Au d Manne sind begeisteret gsi und sind nach de Behandlig wie uf Wolke gschwebt.......

De Risottotopf isch startbereit mmmmhhhhhhhh

Yoga mit de Carolina wieder ab em 10. August 2011 :-)

De ganzi Baum isch weg.....

 Hüt isch es Eusem Baum an Chrage gange...mit eme ferngstüretet "Chlauearm" sind die restliche Baumstämm ufeglupft und verfrachtet worde :-)

 Jetzt simmer gspannt was es a dem Platz git..hmmmm mir bruchet eigentlich echli Schatte det, viellicht fallt Eus na öppis i :-))))

 Am Namittag isch es immer dunkler worde und Eusi Gäscht händ sich underem Dach versteckt.

Die einzige wo Freud a de Welle gha händ, sind Eusi Möve gsi, für die ich das sicher wie Chilbi....

Zeigt her Eure Füsse :-) Gratis Demo ab ca 12:00 am Sunntig 31. August i de Badi

Endi Juli und e leeri Badi :-(((((

 Well' s immer regnet und brrrr chalt isch, sind nur es paar ganz muetigi verbicho go en warme Kafi trinke :-))

Endi Juli und so schlechts Wetter!!! s isch wieder emal Zit de Petrus muess entfüehrt werde:-)

Gott sei Dank chan de Wetterschmöcker ahand vom Mus- Fuessschweiss säge, dass es en super August wird hahahaha ich bin gspannt :-)

1. August mit Risottoplausch :-)

Oh Du goldigs Sünneliiiiiiiiiiiiiiiiiiiiiiiiiiiiiiiiiiiiiii

 Oh, du goldigs Sünneli
Tue doch wieder schiine.
Bitte bliib de ganz Tag da,
dass mier chön veruuse gah.
Oh du goldigs Sünneli
Tue doch wieder schiine.

Wellnesstag i de Badi mit NuSkin

Am Samstig hämmer en WellnessTag i de Badi gmacht und d Spezialistin d Ute iglade.
D Susi hät es schön's Zelt ufgstellt und Eusi Gäscht händ d Gsichtsbehandlige so richtig chöne gnüsse...

 Am Abig hämmer na Bsuech übercho vo 2 Geister in Rot, wo gar nüme händ welle Heiga :-)

Euse Baum isch weg :-(

 Heieiei isch das ungwohnt, Euse Baum am Igang isch weg und zwar grad ganz.... er isch so richtig morsch gsi und d Gfahr das er umgheit wär isch z gross worde. Allerdings gseht's jetzt so richtig luftig us, ich glaube mir müend Eus so richtig umgwöhne....

DI am Morge scho 25°C und s Wasser 22°C

Eusi Dame vom Grill händ sich vor de Sunne under's Zelt gflüchtet und das mit starcher Manneunterstützig :-)))))

 Es isch so en richtige Hitzetag worde und mir händ mindestens 50 °C i de Chuchi gha:-) Schnitzelbrot und Hamburger sind i Rekordzit brutzlet worde mmmhhhh....doch gege de Abig isch s nächschte Gwitter ufzoge und hät riesigi Mengene a Rege mitbracht!!!!!

es Summerlied mit de Badi Freiebach uf em Cover juhuuuu

http://www.facebook.com/l/ZAQAHVq5xAQAtFH7BHd9nIKKhJGO97ARePvnts9eusZcM9g/www.youtube.com/watch?v=rzFS9CuQ-j4

Ufrumete i de Badi nach em Sturm

 Uiuiuiiii hüt sind alli Eusi Gmeindsmitarbeiter am Werk gsi, sie händ grächet gwüscht und gsaget wie verruckt.....

 Und eine vo Eusne Alleriliebschte Mitarbeiter hät tapfer mitghulfe hihihi mit em Sunnehuet :-))))

Und da Euses Inventar ja niemer versichere wett, hämmer jetzt eifach 3 schöni rundi Tisch parat gmacht wo Eusi Gäscht chönd anesitze.... Wer weiss viellicht chunt ja de schrägi Baumstamm au na weg und mir chönd en neue Pavillon go chrömle hmmmmmmm

Diamante im See und Schöfliwulke am Himmel :-)

 Am Morge hät de See nur so glitzeret und gfunklet, während am Himmel d Schöfliwulke verbizoge sind...also z erscht sind' s na verbizoge, aber gege de Abig isch es wieder dunkel worde :-)

 De Chef hät au es Bsüechli gmacht und sich grad de Susi Ihri Sunnebrülle gschnappet :-)

Am Mittag hät d Natalie es super gmüetlich's Plätzli anezauberet....leider isch es nöd so lang gmüetlich gsi, de Sturm isch gli da gsi :-(

Wellnesstag i de Badi :-)

Ufrumete nach em Hagelsturm

 Leider hät au hüt s Nicke wie das Ginny macht nüt gnützt und mit eme Lächle im Gsicht hämmer agfange ufrume phuuuuuuuuuuuu

 Zum z Nüni isch dänn na e Schuelklass cho und hät's sich uf em Steg gmüetlich gmacht :-)

 Hmmmmm also das durenand chönnd's erscht nächst Wuche in Ornig bringe, d Gärtner bruchet e Metallsagi uiuiui

 Eusi Tapfer Frau Frisco hät sich dur de Aschtwald durekämpft und feini Glace für's Wuchenend bracht mmmhhh fein .-)

 Dänn isch es am Baum an Chrage und die lose Äscht sind abegno worde....

 Leider hät's im Moment au kei Platz für d Hängematte, aber das Gstrüpp isch schnell weg...

Jetzt hämmer en Tanztisch hihi d Bei sind uf alli Site boge gsi......