Alles Winterfescht verpackt :-)

 Leider hät au de 2. grossi Baum au nöd überlebt und jetzt chunnt det au e chlini Plantane ane:-) Hmmmm das gaht Jahr bis es wieder echli Schatte git

 Eusne Palme hämmer e neui Frisur verpasst und dänn mit warmem Flies e Chappe agleit :-)

d Badisaison 2011 isch verbi....

 Jetzt isch es sowiet und de wunderschöni Altwiebersummer isch da...es Herbstelet und mir händ Eusi Badi ufgrumet, putzt und winterfescht gmacht phuuuuu s isch grad echli en Chrampf gsi :-)

 Mir wünschet Eusne Gäst en schöni Winterzit mit viiiieeelllll Sunne, schönem Schnee.

De Früehlig chunnt nämlich bestimmt und dänn verwachet au d Badi wieder us em Winterschlaf :-)

die letschte Ufrumarbete.....

 Sodeli, die letschte Fischchnusperli für die Saison sind über d Theke und mit viel Gnuss verspiese worde :-)

 d Lounge hämmer abbaut und versorget, sie isch parat für de Winterschlaf....

 Bis uf es paar Velofahrer und Spaziergänger isch d Badiwiese ganz leer, es isch definitiv Herbscht

Eusi Chübel gsehnd us wie Aliens, sie sind frisch putzt und lueget gege d Sunne :-)

de letschti Summertag vor Saisonendi :-)

 Jetzt Herbstelets glaub würkli, uf Eusere Wiese wachset Pilzli hmmm viellicht chammer die ja in en Risotto tue hahahaha

 Namal en " GRUSIGE GSPRÜTZTE" und dänn gaht's as Glace ipacke mmmhhhhhh

 De Roger hät sich wintertauglichi Vorrät gschnappet und d Chüelbox gfüllt, en Guete :-)

De Chindsgi macht es Entereisli....

 De Chindsgi hät es super Reisli planet, sie sind nämlich uf Entesuechi gange...mit 2 Boot sind die blaue und gäle Entli abgholt worde:-)

 Istiege bitte :-)

 Min Schwan isch wie immer en Gwunderfitz gsi und isch cho go luege was die viele "Orange" da machet....

 Mit begleitig vom Schwan sind die beide Boot los i Richtig Ufenau wo's en feine z Nüni geh hät und vo det uf d Lützelau go brötle mmmhhhh

 Am Abig hämmer dänn na en Alass gha mit viiiieeeellllne feine Grillsache und eme super Risotto...:-)

der Tag danach zum zweite :-)))))

 Vermuetlich isch das Föteli na vom Morge am 4i, well nach nur 3 Stund schlaf simmer wieder i de Badi gsi, grad rechtzitig für de Sunneufgang hihihi

 Das hät wunderschön usgseh und mir händ die früehe Morgestrahle so richtig gnosse...mit gaaaaaaannnnzzzzz chline Äugli....

 Während em mir Eus dur de Tag kämpft händ, isch d Martina mit em Sascha, de Nadine und em Vali in Europapark...die Bandi hät es riese Fäscht gha....

Ustrinkete i de Badi

Mit dne wunderschöne Blüemli hämmer d Tisch gschmückt für d Ustrinkete :-)

 De Roger hät wieder en wunderbare Chueche mitbracht und mit viel Kreativität Euse gspässig Summer dokumentiert, Sunne, Hagel, Sturm, Rege und Welle :-)

 Au de Charlie hät siner Fantasie freie Lauf glah und en wunderschöne Gartestruss mitbracht....

Ab em halbi 7ni hät's feini Spagghetti mit verschiedene Sauce geh mmmmhhhhh s isch ganz fein gsi.
Mit es paar feine Kafis hämmer dänn die Ustrinkete am Morge am 4i beendet hahahha schnarchchchchch

Alles neuuuuuuuuu :-)

E neui Glacebox mmmhhhhhhhhhhhhhhh

Neui Blüemli :-)))

Und en neue Mond wo scho bald voll isch juhuuuuuuuuuuu

Ustrinkete i de Badi

Kormoran und Möwe Eusi Plaggeister.....

 Eusi Bademöve sind also sicher Mutante, die sind extrem Gross und machet e riese Sauerrei uf em Floss hmmmm drum git's vermuetlich au en Shot wo " Möwenschiss" heisst hahaha

 Allerdings sind au Eusi Kormorane kei Heilige, die schnappet nämlich Fisch us em See und speuzet dänn d Skelett uf's Floss und ich dörf's dänn mit em Kärcher wieder go suber mache :-))))))

Ganz allei mit de Möve und de Kormorane :-)

Langsam aber sicher "Herbstelets" bi Eus i de Badi brrrrrrr

Die einzige wo Freud a dene Welle händ sind Eusi gflüglete Fründe, die händ Chilbi uf em Floss :-)

Namal en super Samstig mit fascht 30°C

 D Luft hät fascht kochet und uf em See sind die schönschte Boot umegfahre....Eusi Gäscht händ sich im See und mit feine Glace abküehlet mmmmhhhh

De Fräse und de Urs händ Eusi Fischbeständ reduziert und sich's so richtig guet gah lah a de Badibar :-)

langsam aber sicher chunnt d Deckizit :-)

 Es isch wiederemal en wunderschöne Morge gsi....die bescht Glegeheit namal de Rase z mähe well nämlich de Herbscht scho vor de Tür staht

 Au min Schwan isch namal uf Bsuech cho, er hät müesse d Federe in Ornig bringe well's nämlich ärger mit eme andere Schwan geh hät..heieiei die balzet um es Wiebli uf em See :-)

 D Patrouille versuecht sich a neue Sujet und hät schöni Muschter an Himmel zauberet...

Dänn hämmer vo de MAN 2 super Päckli übercho, juhuuuuu das isch wie Geburtstag.....

 Well's am Abig scho langsam chüehl wird, hämmer d Deckene immer griffbereit und chönd Eusi Gäscht demit iwickle :-))

Am Abig hät's na Fischchnusperli- Crevette Treffe gha mmmmhhhh es händ alli super z Nacht gässe