i de Obersee Nachrichte :-)

CC Ahoi

Sodeli, d CC Mission isch Erfolgriech gsi und mir sind wieder ideckt :-)))))

Und da mir scho fascht so usgseh händ, machet mer jetzt en Schönheitsschlaf, guet Nacht alli mitenand hihi

de Dameturnverein und de Männerchor :-)

Wow, was für en Tag....am Morge hät de Dameturnverein mit vollem Elan sini Turnstund absolviert :-) Mir Musik und dem schöne Plätzli i de Wiese händ alli fliessig mitgmacht und sich nachher miteme feine Kafi und Gipfeli wieder gstärcht....

 Dänn sind d Schuelklasse cho und de Herr Hellebach hät die Bandi de ganzi Tag beschäftiget :-)

 Mir händ inere Blitzaktion Eusi Salöt grüschtet und s Ergebniss hät so usgseh mmmmhhhhhh

 Nacheme Asturm uf d Chuchi, hämmer bis am 8ti na alli Bstellige abkochet und schwupps, scho isch de Männerchor da gsi und hät Eus es Ständli bracht :-) Die Manne händ sich es super Plätzli under em Zelt gnischtet de schöni warmi Abig gnosse.....

de 1. Hitzetag isch überstande phuuuuuuuu

 Wo mir am Morge am halbi 8ti id Badi cho sind, hämmer alli Eusi Chind tüf schlafend uf de Lounge und i de Garderobe vorgfunde hihihi

 Well's fascht 30°C worde isch, sind Eusi Gäscht i Schare id Badi cho zum sich echli abchüele :-)

Mir 2 Nixe sind vom 10 am Morge bis am 8ti am Abig ununterbroche i de Chuchi umegsaust und händ Gott sei Dank verstärchig vom Dave gha :-))))

25. Juni Game Turnier zum 2. :-)

 De Marco hät es zweit's Gameturnier verastaltet und die Manne händ kämpft wie verruckt :-)

Mir händ i de Zwüschetzit chönne die neu aneborete Rahme emal fülle und jetzt hämmer viel Produkt für d Schönheit i de Badi....

Well ja s Kantonale Turnfescht in Wädenswil isch, isch d U und natürlich d Patrouille Suisse direkt über d Badi gfloge, es hät super usgseh....

Sex and the City i de Badi Freiebach :-)

d Yoga Zit isch wieder da :-))))))

Jetzt wo's scho wieder so richtig schön isch am Morge, isch s Yoga en Traum.

Probieret das emal us, es git kei's schöner's Plätzli für s Yoga als bi Eus am See :-)

Kaputte Rasemäher und de Omar uf Bsuech i de Badi :-)

Ouw neiiiiiiiii mini super Mähmschine isch nümme gloffe tztztzt :-)

Aber Eusi Mitarbeiter händ Rat gwüsst und sie wieder chönne flicke juhuuuu

 i de Zwüschetzit händ au s Baby Annabelle und s Baby Born es Mittagspfüsi gmacht :-)

Und dänn isch sogar na de Omar uf Bsuech cho, wow für 8 Mönet folget er scho wie en Grosse :-)

Schwümme und Ruggedehnige :-)

Schwümmer hät's hüt nöd so viel gha, aber die 2 händ e grossi Rundi bis zum Bahnübergang gmacht :-)

 De Roger isch echli z lang im Garte gsi und de Rugge hät nüme so welle, drum hät d Susi es paar Üebige mit Ihm gmacht und versuecht de iklemmt Nerv z dehne....Mir sind ebe Multifunktionell juhuuuu

Wenn's Wetter wüsst was es wett.....

 Wow hüt hät s Wetter wiederemal gar nöd gwüsst was es will, debi hättet mir sooooooo feini Glace übercho :-)))))

s'Aqua Noodle Jogging gaht looooosss......

Juhuuuuu ab sofort isch bi schönem Wetter immer am Mittwuch Abig vo 19-20 s Aqua Noodle Jogging i de Badi :-)....d Susi Harms isch startbereit :-)

Euses Chinderbädli isch meh als volle worde und die chline Gäscht händ so richtig chönne umesprütze:-)

d Ruederer sind aktiv und scho am 6i am Morge unterwegs gsi :-)

2 Tag Wetterbedingt freiiiii für Eus 2 Nixe :-)

Los gaht's juhuuuuuuuuuu

Müll und Gwitter

 Tztztztz irgendwie wüsset da es paar nöd was ufrume heisst, es hät usgseh wie bi de Familie Flodder und mir händ sogar müesse de gani Platz kärchere...mir sind obersur gsi!

 Vor em erschte Regeguss händ sich es paar Töfffahrer bi Eus versteckt und sind dänn mit dene super Maschine bim erschte Sunnestrahl wieder wietergfahre :-)

 Mir sind dänn schnell under s Zelt und händ gwartet bis de Rege ufhört....d Susi hät dänn i aller Rueh en Topflappe für Eus ghögglet hihihi

 Am Abig isch es Fifa Game Turnier gloffe, d Jung's händ riesig de Plausch gha :-)

 Plötzlich isch de Himmel schwarz worde und de Wind isch vo Pfäffike cho uiuiui das isch nie es guets Zeiche.

 d Ladies sind ganz tapfer mit eme Stuehl an Steg ghöcklet wo de Wind so richtig gstürmt hät......

Wischiwaschi Wetter tztztztztzzzz

 Im Moment hämmer so ganz komisches Wetter, es isch immer bewölkt aber trotzdem 24°C....leider hämmer eso natürlich au kei Gäscht, das heisst mir müend jetzt fliessig singe damit d Sunne wieder fürechund :-)