Schlange im Paradies :-)

 E Schlange hät sich zu Eus id Badi verirrt, leider isch es vermuetlich kei Wasserschlange gsi. Sie hät nüme glebt, isch aber die Sensation gsi ....Eusi Manne vo de Gmeind händ sie dänn abgholt und sind vonere Schar Chind begleitet worde. Alli händ d Schlange emal welle gseh :-)

 Am Mittag hät's viel Schöfliwolke geh und mer hät zwüschetdure au d Fallschirmspringer gseh wo fliessig am üebe gsi sind für's Seenachtsfescht.

De Julian hät mit Eus d Chuchi grockt :-) Er hät dänn uf sim Ipot alti Schlager gfunde wo mit alli händ chönne mitsinge, zB d Conny Francis mit : die Liebe ist ein seltsames Spiel, lalalalalaaaaaaaaaaaa

Wasserski- Plausch für d Chind

Es isch Ferieplausch gsi und d Chind händ chönne mit em Wasserskiclub uf de See :-)

 Plötzlich hät en alte Bekannte zwüschet de Täsche und Tüechli füregüxlet :-)

Eine vo Eusne Schwän hät wiederemal es Bsüechli gmacht und isch ganz neugierig gsi.....

s isch ja scho lang nüme cho go regne tztztztzzzzzzzzzzzzzzz

 Eusi Geduld isch a de Grenze und de Petrus hät gli es Rendez -Vous mit de Betonfüessli Fabrik!!!!! :-)
s einzig guete a dem Wetter sind die schöne Farbe vom See und em Himmel.....

 Au Eusi Yacht kämpft gege d Welle, mer chönnt meine mer wär am Meer wenn's dänn so wär hahaha

 s Itüpfli isch dänn na Eusi Kaffimaschine gsi wo tönt hät wie wenn sie e Bombe verschluckt hät.... Zum Glück isch en super Techniker cho und hät de Dinosaurier wieder in Stand gstellt :-)

De Himmer hät i de Zwüschetzit die spannendste Bilder zauberet.Ich gsehne e Hundepfote, en Smilie, e Bire und ganz viel meh i dere Wolke juhuuuuu

Blüemli und Regeboge :-)

 d Susi hät en super Gartebluemestruss vom Charlie übercho und de hät grad echli Sunne zruggbracht i Eusi Badi :-)

 Leider isch s Wetter eifach sehr unbeständig und Eusi Gäscht sind meh underem Zelt als uf de Wiese.

 Allerdings hämmer dänn kochet und alles schön i Alufolie igwicklet, well das Menue isch per Boot abgholt worde juhuuuu

 Uf de Ufenau isch es Hochzit gsi und d Spaliersteher sind tropfnass bi Eus acho, s Hochzit isch aber en Hit gsi händ's gmeint.....

 Am Abig hät's en wunderschöne Regeboge geh, glaub s erscht Mal das ich en ganze gseh han. Er hät vo Freiebach bis uf d Ufenau glüchtet...det würd jetzt also de Schatz ligge...ab uf d Ufenauuuuuuuuu

d Hecke werdet gschnitte

Eusi Badi gseht wieder wunderschön us, de Rase isch gmäht und d Hecke sind gschnitte....

Trotz dunkle Wolke hämmer viel Gäst übercho und au en Bsuech us Münche isch verbicho :-)

 So wie de Wetterfrosch gseit hät chömmer jetzt wieder in Winterschlaf tztztztz hoffentlich chunnt de Summer nächst Wuche namal zrug!

 Es isch würklich zum schreieeeeeeeeeee

Der Tag danach :-))))))

 De 2. August hät scho spannend agfange heieiei Euse Steg isch vo Vulkanier übernoh worde hahaha

 Es isch super Wetter gsi und d Lüt händ sich im 20°C warme See chöne abchüele....

Zum Geburtstag hät dänn de Sigi Penne al arabiata mit ere Cherze übercho :-)

 Ojemineeeeeeeeee Euse Risottotopf hät ja au na müesse putzt werde grrrrrrrrrrrrrrrrr

 Well de underi Teil vom Topf natürlich volle Ruess gsi isch, simmer so ziemlich überall schwarz gsi...

...und dänn isch doch tatsächlich nach em z Nachtesse Asturm na d Abwäschmaschine abglege, neiiiiiiiiiiiiiii mir händ Berge vo Gschirr gha und zum Glück  hät de liebi Techniker na zu Eus id Badi gfunde und mir händ ab em 22:30 endlich s ganze Gschirr chönne durelah :-)  Für die wo das leset und sich fröget warum mir nöd vo Hand abgwäsche händ, isch d Erchlärig ganz eifach: mir händ kei Platz gha i de Chuchi hihihi

De 1. August isch daaaaaaaaa

 10 KG Risotto sind uf em Plan gsi und Gott sei Dank hämmer Zwiebelschnied- hilf vom Sait und de Mahara übercho :-)

 De Peter hät mit viel Muskelchraft en super Risotto ane zauberet, mmmhhhhh es isch so fein gsi.....

Nach em Ässe händ d Chind en super Wellness Bereich gmacht im Sandchaschte :-)

 Alli händ druf gwartet das es endlich dunkel wird und scho sind die erschte Rakete ufgstiege und Vulkän händ Funke gsprüeht :-)