2 Albino-Entli und d Linde wird erliechteret :-)

Es hät 2 Entefamilie mit je 15 Junge und bi de chlinere siind 2 ganz helli Albino Entli debi, sie sind s Highlight i de Badi :-)

 D Entemuetter macht immer en Stop bi de Bälke und dänn hüpfet alli 15 drüber ....

 Am Mittag isch es Eusere Linde an Chrage gange und sie hät es paar Äscht müesse abgeh...

Und de Franz hät en lässige Artikel im Marchazeiger gschriebe und Eusi Youngsters fotografiert :-)

d Schwümmreif vo Radio Zürisee sind achoooooooooo

Muettertag mit Handmassage :-)

 Für alli Mami's hämmer en Guetschy für e Handmassage parat gha und au s Plätzli uf de Wiese isch parat gsi.....

 D Gabriela hät dänn d Mami's wo grad Zit gha händ verwöhnt :-) es händ alli so richtig gnosse....

 D Susi und ich händ i de Zwüschetzit feini Sache kochet und Eusi Familie eso verwöhnt...mmmmhhhhh

 De Küde isch mit 3 Ladies cho und isch uf jedefall de Hahn im Chorb gsi :-)

 Au de Mitch, d Kim und s Baby Mia händ en Bsuech gmacht, die Chli hät alli verzauberet mit dene schöne blaue Äugli.....

 Gege de Abig isch na de Spongebob verbicho :-) Isch eifach es super T- Shirt......

Bsuech us Norwege und hungrigi Gäscht

 Es isch soooo schön warm gsi und mer hät scho richtig chöne sünnele bi ca 25°C

Es hät au scho viel Muetigi gha wo uf's Floss use sind und d Schnitzelbrot sind voll im Trend gsi :-)

De Papeli alias General isch mit em Henning verbicho und die 2 händ so richtig d Abigsunne chönne gnüsse :-)

Entli und Schwändli :-))))))

Hüt han ich welle go Bierfläsche fische und bin dänn dur e Entefamilie mit 15 Junge abglenkt worde...heieiei ich ha na nie so viel Chlini uf eimal gseh :-)

  Au en Schwan hät sich über mini Fischeraktion lustig gmacht, isch ja au keis Wunder ich bin pflutschnass gsi und seeehhhrrrr erfolgriech hihihi (6 Fläsche, 4Dose und es paar Jägermeister) viellicht lernet ja Eusi Gäst na, das mer die Sache in Chübel rüehrt!

1. Mai und s Wetter isch perfekt :-)

De Üse und d AndreaEus ghulfe d Zelt wieder zämmezstelle und sie händ au die chli Prinzessin Nora mitbracht :-)

 Nach dem Eröffnigsfescht simmer also ziemlich K.O. gsi und nachdem mir d Raubtier gfüetteret händ, sind's uf d Lounge go pfuse hihihi

Eröffnigsfescht Saison 2011

Ab em halbi 10ni hämmer d Tisch dekoriert und Würstli igschnitte und alles startbereit gmacht :-) Plötzlich hät's aber Agfange Dunnere uiuiui mir händ schnell alles abdichtet, Plache ufghenkt und d Wärmepilz ufgstellt:-) Aber s Unwetter isch a Eus verbizoge und uf em See häts e wunderschöni Regatta geh, die händ sicher de Plausch a dem Wind gha :-)

 Eusi Gäscht händ chöne bis spat am Abig verusse sitze und die feine Dessert gnüsse....

De Chef de Grill und de Chef de Kiosk händ sich zämeknuddlet :-) Die 2 händ en super Job gmacht und Eusi Gäscht vom feinste verwöhnt.......